موضوع جميل وهدف نبيل شكرا لمجهودك يا عاشق

نفسي كنت اعمل حاجه للقسم والله
وابسط حاجه ممكن تتعمل حاجه زي مجله الحائط كده نعملها في القسم وتكون من المنتدي نختار احسن مواضيع في كل شهر في المنتدي ونحطها في مجله الحائط من كل قسم في المنتدي نحط احسن موضوع وبالتالي كده هيكون المنتدي والقسم شي واحد

ممكن توضحى الفكرة اكتر

السلام عليكم و رحمة الله و بركاته
الاخوة الاحباب فى المنتدى الكريم
لا أخفيكم سرا مدى الحزن و الدهشة و الفجأة التى شعرت بها عندما فتحت الموضوع .
أنا كنت مسافر ما يقرب من 20 يوم و كانت الظروف مش مهيأة انى ادخل ع المنتدى و انا كتبت الفكرة قبل ما اسافر . و طول ما انا مسافر عمال افكر و مشتاق فتح الموضوع الاقيه ملئ بالافكار و البرامج العملية اللى عايزة تتنفذ و لكن .....سراب
أرجو التفاعل من الاعضاء و ده اللى بنتكلم فيه ايه فايدة المواضيع طالما مفيش مشاركة
انا عندى موضوع واحد فى المنتدى كله نتكلم فيه كلنا بدل من المواضيع اللى ملهاش حصر بدون فائدة .
و أنا اسف انى اتكلمت بالاسلوب ده و لكن غصب عنى
دى ظاهرة غريبة ولازم نتكلم فيها
و أخيرا شكر خاص ل eng _ walaa
و ان شاء الله هنفذ فكرتك

عايزين أفكار يا شباب
فين المشاركة

موضوع مهم يا عاشق العفاسى
فكرة eng _ walaa جميلة اوى وياريت تتنفذ
ومجلة او لوحة صغيرة للتعريف بالقسم ويكون فى القسم نشاطات و مسابقات
جزاك الله خيراً والله المستعان

ربنا يخليكى eng_rhma
و انتى فينك من بدرى
عايزين مشاركاتك الجميلة
و يا ريت نبدأ فى تخطيط فكرة eng_walaa
يعنى نضع جدول عمل للفكرة الجميلة دى

عاشق العفاسي انا لسة شايف الموضوع دلوقت وعجبني عنوانه جدا وبعد كدة فكرته

المهم : انا رأيي الاول ندور علي الاستفادة العلمية والعملية الموجودة في القسم ومواده
اول حاجة لازم تظبطوا حكاية التدريب
تاني حاجة تظبطوا الدكاترة وانا محبش المشاكل بس مثلا تبعتوا ورقة الاندر بنموذج الاجابة في البيت بيتك الحركة دي هتخرب الدنيا وتخلي الدكاترة اللي عايزة عادلة تتعدل

تالت حاجة تشوفو موضوع الفلزات لان احنا بناخد 5 كورسات بس وبعد كدة بيتقال علينا مهندسين فلزات وفي اماكن بتبقي عايزين مهندسين فلزات واول ما يتقدم واحد من اسيوط بيرفضوه من قبل مايشوفوا وشه

وان شاء الله اكون افدتكم

بسم الله الرحمن الرحيم

موضوع التدريب رأيي انكم تجمعوا بعض وتخلوا دكتور من الداكترا اللي ليهم علاقات يبعتكم لأماكن معينة

تاني حاجة موضوع الكورسات ممكن تروحو للدكتور الدهيم مثلا وتقولولو الكورسات اللي بناخدها في الفلزات قليلة ممكن نعمل ايه

تلت حاجة البرنامج ليه رقم تليفون وفاكس ونموذج الاجابة ممكن انتو تعملوه او حد من المعيدين لو رضي يدخل معاكم ممكن يعمل نموذج الاجابة

اما موضوع الشغل صاحبي عبد الرحمن هوا اللي قالي علي الموضوع دا علي لسان اصحاب ليه خاضوا التجربة

السبب طبعا اكيد يعني الفكرة اللي واخدينها الناس دول عن طلبة القسم اللي بيتقدمو لأن احنا ذي ما قولتلك مبناخدش غير خمس كورسات بس لكن القاهرة مثلا بياخدو التلت سنين الاخيرة كلها فلزات

وفي النهاية اقدم لك الشكر واتمني اني اكون اضفت شيئا مفيدا

أكيد أضفت باشمهندس sweafy
جزاك الله خيرا
عايزين أفكار تانى يا شباب ......

محتاجين استشارة الاخ و المهندس المحترم
مهندس عامل دماغ تمام
و نموذج الاجابة
و الله المستعان

فين شباب التعدين و فين الافكار
محتاج حد معايا عشان ننفذ الافكار مع بعض ، و يشاركنى القضية ، يكون متواجد فى القسم ميكونش خلص ، عشان نبدأ المشوار مع بعض مع بداية الدراسة .
مين يا جماعة هيمد ايده ف ايدى ؟؟؟؟؟؟؟؟!!!!!!!!!!!!!!

انت تسأل عن تطوير القسم من ناحية التدريس و لا من ناحية القسم كقسم و لا من ناحية تغيير الطلبة


حدد اجابتك باختيارين فقط

و ليه اجابتين فقط
ليه ميكونش تغيير كل ده ؟؟؟
نبذل اقصى جهد ف كده

ايدك بايدى يا دماغ للخروج للنور

رغبة جيدة و محفزة من انسان في هذا الوقت من الزمان و ان دلت فتدل علي نفس طيبة


مبدئيا : نحن لسنا بظلام

و لكننا في الشارع المجاور للشارع المطلوب قد يؤدي بك الي اليمين او الي اليسار

العمارة تأسس من اسمنت و رمل و حديد

و تكمل بالطوب لغلق المكشوف


فلا تذهب الي تغيير الطوب و تترك الاساس

ثانيا : لابد و من داخلك معرفة انك ايضا مقصر

و انك مشارك في المسيرة في هذا الشارع و لكنك ترغب في التغيير

الكل يرغب فيه و ليس الكل يمتلك الجرأة علي التغيير


قال تعالي : " إن الله لا يغير ما بقوم حتي يغيروا ما بأنفسهم "

قبل أن نتكلم او تتكلم في التغيير لابد و ان تكون مدركها جيدا


{ذَلِكَ بِأَنَّ اللّهَ لَمْ يَكُ مُغَيِّرًا نِّعْمَةً أَنْعَمَهَا عَلَى قَوْمٍ حَتَّى يُغَيِّرُواْ مَا بِأَنفُسِهِمْ وَأَنَّ اللّهَ سَمِيعٌ عَلِيمٌ}

الرسول عليه الصلاة و السلام قال فيما معناه "لا تنهي عن شئ و تأتي بمثله "


فأكرر لابد من أن تغير نفسك في شئ و من ثم تدعو الي تغييره عند الناس و لكن عندك اولا

هل انا لو اتغيرت من شئ لن أعود له تماما و لن اقع فيه مرة اخرى ؟؟

أترى ان الصادق مثلا لا يكذب اطلاقا ؟
أم ان الاصل عنده انه لا يكذب ، مع انه ربما يخطأ ويكذب ؟؟
اذا لو راى من يكذب امامه فليتركه و شأنه لانه يقع فى هذا الذنب ؟؟

كل ابن آدم خطاء

و روي عن رسول الله صلي الله عليه و سلم احديث كثيرة تنهي عن الكذب و تنفي كون المؤمن مؤمن و هو يكذب


و الخطأ الذي اقصده هو الزلات

و لا تعطي لنفسك مبررات


ان زلة الانسان امر مسلم به

أخي الحبيب أتري عمر بن الخطاب بعد إسلامه عاد الي ايا من الذنوب قبل اسلامه

لا و الله لم يعد


أخي الحبيب

هل تري ذنبي اي ما أذنب انا و انا قليل العلم ضعيف الايمان ( نسأل الله الثبات و الهداية) كذنب أحد العلماء او أحد طلبة العلم

لا و الله

الذنب يختلف و هناك اشياء اخري تختلف


أتري عندما تنهي عن شئ و يرك من تنهاه تفعله

انظر بداخله و قل لي ماذا تري

الاية القرانية واضحة " حتي غيروا ما بأنفسهم "

و أنظر في تفسير الاية و معني التغيير المقصود

لابد من أن تكون قدوة فيما تريد الدعوة اليه

انا معك فيما تقول و لكن الموضوع اكثر مما هو كلام ، انه تخطيط

ركزوا مجهوداتكم فى كتابه اقتراحات تفيد القسم وطلابه بدل من الخوض فى أحاديث جانبيه

وأحب إذكركم بعنوان الموضوع ""معا لتطوير القسم "" وعليه فان هذا الموضوع مخصص فى كتابة الاقتراحات فقط ومناقشه طريقه تطبيقها

فأرجو عدم الحياد عن هذا الهدف

شكرا لحسن تعاونكم