 | | | كلمة الإدارة |  الإهداءات | | |  |  | |  |  | | 
07-26-2009
|
رقم المشاركة : 1 | | |  عمر امين على كرسى الاعتراف
| | | | | |  |  | |  |  | | | | | | | | |
07-27-2009
|
رقم المشاركة : 11 | | |  رد: عمر امين على كرسى الاعتراف
نفتتح الجلسه أيها الاخوه و الأخوات بالرد على أسئلة البوب حبيب الملايين صاحب المولد احم قصدي مدير المنتدى م/ ايهاب محمد أطال الله في عمره و رزقه بما يتمناه ان كان خيرا له
1-بطاقتك الشخصية ؟
الجنسية: مصري
الأسم: عمرو محمد أمين أحمد
العنوان: ش أمين أحمد عبد الله, أسيوط أول- أسيوط
رقم البطاقه:28506252500118
النوع: ذكر , الديانة: مسلم , الحالة الاجتماعيه: أعزب
و مكتوب تحت نسر كده من ورا رقم 10 و حته كده مكتوب طالب بكلية الهندسه عاوز اغيرها بقه واخليها مهندس اسم الله على مقامك ونا مصمم يكتب لي اسم الله على مقامك دي
**طلب رفيع قوي: لو سمحت يامدير يا وحش صلح اسم عنوان الموضوع من "عمر على كرسي الاعتراف" الى "عمرو على كرسي الاعتراف" مع ملاحظة ان الواو حرف يكتب لا ينطق و ذلك لتمييز "عمر" بفتح العين و تسكين الميم عن "عمر" بضم العين و فتح الميم..مع أطيب تمنيات مصر للطيران لكم برحله موفقه الى سنه أولى ابتدائي..
2- ما هى طموحاتك وأهدافك فى المستقبل؟
الطموح أنواع و اللي يهمني منهم الطموح العملي, مهندس بدرجة خبير باشتغل لحساب نفسي, تطلبني الشركه من دول لأداء مهمة ما اءديها آخد أتعابي و دمتم سالمين , وساعات بفكر أو باحلم أعمل مشروع خاص بس ده طبعا حاجه بظروفها من توافر الفرصه و التمويل و الخبره و التعاون مع ناس أصحاب خبره و أهل للثقه لكن النيه موجوده.
3- هل تحب التحدى؟
أحب التحدي, حتى لو واثق من استحالة الانتصار لكنا للانسحاب عندي طعم أشد مراره من الهزيمه بكتييير.
4- مبدأك في الحياة ماهو؟
المواجهه , التجريب, الصراحه, المبادره,نسيان الفشل و المواقف الصعبه و البدء من أول و جديد تاني, التغيير, عدم الاستسلام الخلاصه و باختصار شديد: الكفاح و مقاومة الضعفي الداخلي المتمثل في اليأس و الانغلاق الاجتماعي لعدم ايماني بصلاح أغلب الناس دي عيوبي اللي بحاول دايما أبعد عنها كل مالقى نفسي وقعت فيها.
5- ما هو أكثر شئ بيضايقك؟
الخوف من الدخول في غمار أي شيء,و للايضاح: يمكن علشان كده لما لقيتهم بوظوا بحر اسكندريه بالمصدات أو الجزر الصخريه اللي بنوها باعوم لغاية هناك و امشي عليها و انزل من الناحيه التانيه للبحر المفتوح برغم ان الموج بيبقى عالي والصخور ممكن تدبح و كذا مره في الحقيقه كنت هاموت ولا حد يقدر حتى يسمعني و بابقى مرعوب لكن برضه باعملها كل مره علشان مابقاش عملت أكتر حاجه بتدايقني, وردي الصريح جدا على أسئلتكم كان سببه اني لقيت نفسي خايف من الصراحه في الاجابه لما شفت الاسئله + وده مهم جدا: اضطهاد الآخر و عدم قبوله لجنسيته أو دينه أو ميله السياسي أو أفكاره عامة أو شكله أو أي اختلاف فيه عن الأغلبيه, باكره ده جدا وباعمل عكسه في أي فرصه لأني قابلت النوع ده من المعامله زمان لفتره طويله من طفولتي في بلد غير مصر.
6- ما هى التجربة التى تتمنى تكرارها؟
مشروع مساحة سنه تالته, لكن عامة مابحبش أكرر حاجه أنا حتى مابحبش أمشي في نفس الشارع مرتين الا للضروره, أصل الحياه والعالم واسعين جدا وعمر البني آدم أصغرم نتكرار حاجه انت مش مضطر تكررها, لكن مشروع المساحه ده استثناء.
7- ما هى النصيحة التى تقدمها لنفسك؟
لا تيأس من الله , لاتيأس من نفسك, لا تيأس من الناس, فتح مداركك و انفتح أكثر على الناس.
8- شايف نفسك قريب من ربنا بما فيه الكفاية؟
لأ.
9- كيف هى نظرتك للشارع الإسلامى العربى ...... لو كانت سلبية فما هى السلبيات ولو إيجابية فما
هى الإيجابيات؟
*واقعه سلبي , لان الهزيمه أمام الحضاره الغربيه متأصله في النفوس + فساد الطبقات الحاكمه, و ده يسبب ضعف ايمان الناس و شكهم بمكونات حضارتهم من أول اللغه للدين و محاولتهم أن يكونوا غربيين أو يهاجروا للأبد و في الآخر لا اللي هناك هايقبلك و لا انت هاتعرف تبقى غير نفسك..
*مستقبله ايجابي , العالم العربي ثقافيا سياسيا تاريخيا في الغالب مبني على مصر, و بسبب تحرير الاقتصاد في مصر و الخصخصه هايزيد اعتماد الانسان المصري على نفسه و قدرته على اكتساب المهارات و شراسة الحياه والمنافسه-مع عدم ضمان الحكومه كل حاجه ع الجاهز للمواطن زي زمان- هايخلي المصري أوعى و أنشط و أكثر قوه و احساسا بفرديته ممايؤدي لانتشار ثقافه اجتماعيه مع الأيام أكثر ديموقراطية و داعمه للمصارحه والمحاسبيه و التداول الحر للأفكار و ده هاينعكس في النهايه على الوضع السياسي, نظره سريعه للتاريخ الحديث تقدر تعرف منها اللي لخصتهولك ده بكل بساطه ووضوح., و انشاء الله خير...
10- بتحب القرائة ؟؟ لو بتحبها قولي أجمل كتاب قريته غير القرآن طبعا؟
سؤال صعب جدا لأني في قرايتي لكتاب مابحبوش مهما عجبني علشان بعد القرآن أي كتاب عندي غلط أو متحيز الا شويه منه, لكن لو خلاص مفيش مفر يبقى الكتاب اللي فتح نفسي على القرايه أصلا, أنا طبعا مش فاكر اسمه لكن موضوعه كان عن الشخصيات العلميه و السياسيه اللي عملت انجازات في تاريخ الحضاره انبنت عليها النهضه الحديثه للغرب و حياة و أعمال كل واحد منهم...
11- بتضايق من الاسئلة الشخصية؟
لأ, لكن لما يكون اللي بيسأل نيته مش خالصه بيتخابث يعني بارد برضه, لكن بنيه مش خالصه, ولما احس انه اتدايق و تاه مني باسكت واسيبه لايص..
12- احد علماء النفس قال ذات مرة: أنه باستطاعة الانسان العيش
من دون اصدقاء... ماذا تري أنت ؟
طبعا باستطاعته , لكن أظن انه قال الكلمه دي على أساس انها حاله قصوى لتحمل الوحده نفسيا, يعني مثلا زي ان النسان بيقدر في الحقيقه انه ماينامش لمدة اسبوع من غير مايموت ولا حاجه لكن دي برضه حاله قصوى ...
13- أين تأخذك ذروة الغضب؟
يعني ايه أين تأخذك دي؟؟؟, لو قصدك الى أين تأخذك بتأخذني للصداع و الرغبه في الجري أو بذل أو الانهماك في أي مجهود ضخم, لو قصدك ايه الموقف اللي يأخذني لشدة الغضب يبقى الظلم البين و التجبر و الاستعفا أو الوقاحه أو تصلب الرأي و نشوفية الدماغ..
14- ماهى أغلى دمعه فى الكون؟
دمعة الأم...
15- وياترى من هو صاحب اغلى دمعه بالنسبه لك؟
والدتي...
16- هل اخفاء الحزن و ابتلاعه داخل الحشايا أفضل أم التصريح به؟
الشكوى لله وحده أفضل , حتى لو من الظروف اللي هيه بالمفهوم الديني القضاء و القدر , طبعا بطلب التخفيف, ولقد فعل محمد صلى الله عليه و سلم ذلك في الدعاء المشهور, اللهم اني أشكو اليك ضعف حيلتي و هواني على الناس....
17- ايه هوا المكان اللي بتروحه لما بتكون مضايق؟
من فتره مش بعيده كنت جري أروح لجدتي الله يرحمها و اقعد معاها انسى كل العالم, دلوقتي مفيش , باسيبها لظروفها. في الغالب باخرج ألف لوحدي في البلد وخلاص ..
18- أيهما أولاً...الحب أم الاقتناع؟
الحب طبعا لأنه لا يمكن اصطناعه أو ادعاؤه لكن الاقناع ,,مع الأيام و المحاوله و الزن على الودان وممكن بالخداع و المكر تقدر تحصل عليه مع أي حد..لكن الحب زي الهدايه أول عن آخر رزق من عند الله يا جه يا ماجاش..لو لقيته ماتفرطش فيه....
19- ما هى السعادة بنظرك؟
الشعور بالرضا عن النفس لتحقيق انجاز ما مع ما يصاحب ذلك من سكينه وسلام داخلي...
20- ماذا قدم لك المُنتدى ؟
قدم لي ضمان دوام الاتقاء -باذن الله- بناس عشت معاهم سنين و ماتهونش العشره الا على ولاد ال60 في ال70, ده غير انه مصلحه كبيره قوي في الثقافه و المعلومات و قسم سوق العمل اللي فيه, ومن هذا المنبر بفكرك يا سيادة المدير باقتراحات قالها Spider (روح المنتدى عن جداره) من نفس هذا المنبر برضه بانشاء أقسام للعلوم الهندسيه في كل الفروع بس المهم مش يكون نظري شوية كتب و السلام لأ لكن كمان ملتقى فعلى للمهندسين اللي بيشتغلم ينصحوا بعض فيه و يتيبادلو الخبرات بكرم و روح طيبه+ قسم للطب و التداوي يعني نصايح طبيه أسامي أدويه على طب نبوي على صيني على أعشاب و عطاره على طبعا برامج ريجيم للمش عاوزين يبطلو أكل و طرق لأقلاع عن التدخين مع عناوين أسامي عيادت في اسيوط خدمه للمغتربين و نا بقه باقترح قسم لقضيان المصالح الواحد يدخل يكتب عن المصلحه اللي عاوز يعملها أو مشكلته أيا كان نوعها و على أي عضو في المنتدى عنده الحل أو النصيحه اللي توصله للحل أو يعرف اسم اللي ممكن يساعده انه يقول له أو يروح له لو معاه في نفس البلد و فاضي له ,عن طريق الرد عليه في نفس الموضوع او رساله خاصه ماتفرقش..
21- متى يصبح الأنسان مبدع (برأيك) ؟
لو كان فاهم الموضوع و دارسه و عرف كل ماتم ابداعه فيه ازاي تم كويس و محدد المشكله اللي عاوز يبدع لها الحل كويس + مثقف + بطبيعته غير محب للتقليد و المشي مع الموجه + راغب جدا في ايجاد الحل المبتكر = انسان مبدع خلاق مبتكر الى آخر لحظه في عمره...
22- في وسط فوضى الحياة ما الذي يرسم لك "بسمة"؟
طفل..و مش مهم بريء ظريف مفطفط و لا هادي و لا لمض و سخيف يستاهل بوكس ف وشه, المهم انه طفل..يعني من سن مفيش الى 3 ابتدائي...اللي أكبر من كده مش أطفال...
23- هل تعتبر ان للأمل في الحياة رصيد لا ينتهي ؟
طبعا الراغب في الحياه والبقاء هوه اللي بيحيى و يبقى , اللي بينقطع نفسه بدري بدري و بيسلم بسرعه بيختفي و ده انتخاب طبيعي عادي جدا كان و هايفضل ظاهره و حقيقه طبيعيه احيائيا و انسانيا اجتماعيا وطالما ان حاجه معينه أمر طبيعي تبقى صح و لازم تحصل و من سنن الله في الكون...
24- ماأهم شيء لديك...؟
ايه أهم شيء لديك دي برضه سؤال مش محدد قوي, لو قصدك يا ريس أهم حاجه عندي ممتلكها تبقى عقلي وده مش معناه اني شايف ان عقلي جبار ابدا ده معناه اني باحترم العقل عموما , لو قصدك أهم حاجه في العالم يبقى العلم, لو قصدك في كل حياتي أنا يبقى ديني, لو قصدك الأهم على الاطلاق اللي دايما على بالي يبقى مع حذف كلمة "شيء" هو الله عز و جل..
25- تفتكر يعني ايه رجوله من وجهة نظرك ؟ وهل ما زالت موجودة؟؟؟
راجل عندي مش بالضروره قيادي و صوته عالي أو حيطه مسلح واقفه قصادي + شوية غباوه و خشونه في الفعل و رد الفعل..
راجل يعني مكافح باله طويل و متحمل للمسئوليه و حارس , حارس لكل مايحتاج للحراسه يحرسه بروحه و مايطمعش فيه الا بالحلال يعني أمين..
راجل يعني خدوم و يعني الاستعداد للتضحيه و التعاون و بذل الجهد لصالح الوالدين و الزوجه و الابن والصاحب و الجار و الغريب المحتاج للي يقف جمبه...
راجل يعني واحد لقي موقف الناس بتهرب فيه من الوقوف جمب الحق راح هوه عمل عكسهم و أصر على موقفه..
وفي الآخر لو راجعت تعريفي للراجل تلق انه ممكن كل ما سبق تعمله ست..الرجوله مواقف مش جنس أو بالبلدي مش هز اكتاف...
26- مارأيك بالغيره ؟
لو الغيره يعني ابص لغيري اللي عنده نفس اللي عندي من مهارات و قدرات و نعم من ربنا بس أحسن مني في موضوع معين دي ممكن تكون شرارة بداية الحركه و الاصلاح زي ما الغيره من الغرب هايكون هوه شرارة أي اصلاح في بلادنا ساعتها الغيره مفيده,لكن لو سببت الحسد و جلد الذات و احتقار النفس و عقدة نقص تبقى مضره و سبب لمرض النفس او دينيا مرض القلب و ده حاصل برضه فينا تجاه الغرب ..دي الغيره على مستوى الحياه العمليه المعاشه فرديا و اجتماعيا ..
لكن لو قصدك الغيره العاطفيه, أولا أنا مش أسامه منير, ثانيا دي حاجه طبيعيه غريزه في الكائن الحي تجاه ما يمتلكه دي حتى في الحيوان و جرب تلمس قطه صغيره أو كتكوت قدام أمه أو ابوه هايخرشمك , وبالتالي طبيعي ان الست تغير على ولادها و راجلها و الراجل يغير عليهم و في النهايه اللي يزيد عن حده ينقلب لضده و خير الأمور الوسط الخ الخ...
27- هل أنت مدمن تفكير؟إن كان الجواب نعم بما يفيدك؟
نعم , ازاي بقه بما يفيدك دي؟؟!!! اما ده اللي مخليني حاسس اني موجود , و مافيش انجاز فيكي يا دنيا الا و كان نتاج التفكير . ده محمد عليه الصلاة و السلام نفسه كان بيروح سنويا لغار في قلب جبل أجرد في الصحرا وسط اللاشيء يفضل هناك لوحده شهر بحاله ,,,, للتفكر... التفكير شيء نفيس و نبيل و عظيم لدرجة اني عاوز اقول ان فيه قداسه ,و متعه في حد ذاته و لا يمكن أقبل حصر فوائده في كام واحده كده أبدا أبدا...
28- كيف تحاسب نفسك لو اخطأت؟
العادي, باسأل نفسي و - ساعات غيري من غير احراج ولا حاجه - , ايه اللي كان مفروض اعمله و ماعملتوش و ايه اللي عملته و كان لازم مايتعملش , لكن عامة مباحبش ألوم نفسي كتير و ما باسمحش لحد يلومني بأكتر من كلمه أو نظرة عتاب , و ادعي ربنا يوفقني و يسددني للصواب و يوريني و يعرفني اللي ينفعني و ينجدني ساعة الغلط قبل الوقوع فيه و اكمل حياتي عادي , لازم يبقى نفسك طويل و تبعد عن اليأس و الكلام اللي يحرق الدم من واحد في أسرتك أو من نفسك لا تتحرق زي اللمبه و تسلم نمرك بدري يعني من الآخر لازم يا صاحبي تحاول تبقى COOL...
*ملحوظه ملهاش لازمه: تسليم النمر (اللي هيه الأرقام ,مش حيوان النمر اللي من فصيلة السموريات) في قاموس مصطلحات الشعب الأسيوطي معناها الموت...
29- ايه رايك في الانسان الغامض ؟؟ بتعتبره ميزة ولا عيب ؟؟ وهل فعلا فى إنسان غامض واللا فيه إنسان مش لاقى اللى يفهمه؟
في الحقيقه بحبه لأنه ان كان مايهمنيش مش هايوجع راسي بحياته وان كان يهمني هايحسسني دايما بالفضول و احاول اقرا كلامه ولغة جسده و ملامحه لكن في الغالب ده مابيحصلش معايا علشان البني آدمين عامة ما بيثيروش اهتمامي و ما تعتبرش ده تكبر أنا ممكن ابقى معجب بحد جدا لكن في الحقيقه معجب باللي هوه بيرمز اليه في حياتنا و بالقيم اللي مؤمن و بيدعو اليها و عايش عليها بسيطه كانت أو أفكار ثوريه لكن مش اعجابا بيه هوه نفسه اقرا القرآن اقرا التاريخ اتفرج على نشرة الأخبار و ابقى تعالى قابلني عند أبعد محطة مترو نكلم بعض ساعتها عن الاعجاب بانسان , الغموض لاميزه ولا عيب ده مجرد رأي نسبي من واحد في واحد ,ناتج عن انك مش عارف تفهمه لانك ماشفتش اللي شافه و ماعشتش حياته و ماتعرفش ظروفه لكن لو فهمته مش هايبقى غامض خالص...
30- كيف انت وحفظ القرآن ؟
زمان كنت حافظ منه كتير دلوقتي قليل لكن ناوي أحفظ - و الأهم تفهم* – علشان أعرف اصلي امام كويس بمن أعول لو حصل ان ربنا رزقني بيهم لأني عاوز اضرب المثل الأعلى لأبنائي في كل حاجه عاوز أورثها لهم
, لأن الأبناء في الحقيقه مابيعملوش اللي الوالدين بيقولوه همه بيقلدوهم و خلاص, وفين وفين لما يبدأو يستقلو بشخصياتهم يعني على اعدادي كده أو أولى ثانوي..
31- هل بتعتبر نفسك بار بوالديك ؟
لأ , لوالديّ مواصفات قياسيه للبر ماحدش يقدر يعمل نصها ده غير انهم مش مستنيين مني مساعده ف أي حاجه أو كلمة شكر و على قد ماباقدر باقول حاضر لكن ارجع واقول عامة أنا مش شايف اني كده بار ابدا, بس حل المشكله دي انا عارفه و هاعمله ان شاء الله بس انا استقل بحياتي وظيفه و شقه اعيش فيها وحدي و كله هايبقى تمام باذن الله...
32- ما هي الميزة التي تملكها ولا يعرفها عنك معظم الناس؟
في واحده كده أيوه لكن ده لأني عمري ماصرحت بيها لحد أبدا, علشان كده اعذرني مش هاكون صريح هنا, لكن ممكن اقول حاجه في البيت عندي بس هما اللي عارفينها و بعض الأصدقاء و ده بيكون بالصدفه البحته مش بقصد مني برضه, أنا و استعدوا للمفاجأه الممله دي, باعرف امثل و اخرج وساعات أنقد أفلام و مسرحيات نقد بالقاه بعد كده في الكتب و توقعاتي بصعود نجم حد بتكون في محلها و بافهم كل أفلام يوسف شاهين واللي زيه من أول نظره واستغرب من اللي مش فاهمينها و كمان بارسم و عملت تصاميم لآلات موسيقيه و باعرف ألحن و اكتب شعر غنائي عامي و فصحى, لكن طبعا لظروف الكليه و محدودية أسيوط و لمعرفتي بقذارة الوسط الفني ماحصلش اني استثمرت الموهبه دي أو صقلتها بالدراسه و العمل فيها قبل كده و مش هانضطر لذلك ان شاء الله..
33- شايف نفسك ازاى بعد 10 سنين؟
يعني 2019؟!! المهم هوه مصر هاتكون ساعتها عامله ازاي؟؟ ,,, طيب. لو كنت عايش ساعتها هايكون عندي 34سنه ساعتها احب اني اكون باذن الله عملت انجازات و خدمات للخاص و العامّ يفضل أثرها في حياة الناس فترة طويله جدا, وان كان ربنا رزقني بالأسره ماشي لو ماحصلش برضه ماشي و اقدر اموت ونا مطمئن لعلمك انا مش عاوز اعيش كتير, لكن عاوز أنجز كتير.. في آيه قرآنيه من ساعة ماسمعتها بتتردد في دماغي دايما زي بندول الساعه ما بانساهاش...
بسم الله الرحمن الرحيم: }و أما الزبد فيذهب جفاء , و أما ما ينفع الناس فيمكث في الأرض.{ صدق الله العظيم..
ملحوظه: الزبد معناها زبد البحر الريمه البيضا دي اللي زي ما بتظهر زي مابتختفي لأنها في الحقيقه شوية فقاعات ميه مالحه لما بتشوف الهوا بتنفجر.., جفاء: مش عارف اشرحها لكن واضحه من سياق الكلام., يمكث: يبقى.
34- ما هى جريمة الحضارة من وجهة نظرك؟
الحضارة أكرم و أجمل انجاز بشري حصل و دي مهمتنا في الكون ده اننا نملاه بالحضاره ونعمره كله..
لكن أعظم جريمه عملها النسان المتحضر في رأيي هوه استخدام أسلحة الدمار الشامل و استخدام أجهزة المخابرات و حكومات دول عظمى و رجال سلطه فاسدين مستفيدين ومصانع السلاح و البنك الدولي لفقر و سذاجة الشعوب الفقيره بصنع حروب أهليه و تمردات مسلحه و انقلابات بتاخد الناس لدوامه عنف عدميه و في الآخر يلقوا نفسهم أفسدوا و ما أصلحوش و يعيش الشعب من دول في البؤس و اليأس أجيال. زي فلسطين و العراق و أفغانستان و بورما و كشمير و الشيشان و كوسوفو و دول أمريكا الجنوبيه اللي لسه ربنا هاديهم من شويه و أفرقيا السوداء و الصومال و حديثا السودان و موريتانيا و اليمن...
كان عندي والله استعداد أرد على أكتر من كده بكتير يا ايهاب بجد اسئلتك عميقه و في نفس الوقت مابتدايقش لو كنت انت اللي عاملها أو منزلها من أي موقع في كلا الحالتين باحييك يا بوب...
-2-
استغفر الله العظيم انا شفت مين ع الصبح بس يا رب, ها؟؟ أهلا سويفي حبيبي روح قلبي من جوه نفسي امسكك كده و...و احضنك علشان واحشني.. روح كده وانت أسيوطي , وايييه السؤال اللي تحت ده ,انت تعدين؟؟! , اكراما بس للأخوه ثم الحضاره الأسيوطيه العظيمه, نرد على سيادتك
1- عمرو محمد امين اسمك الثلاثي ايه؟
توت عنخ آمون , اقول لك اسمي الثلاثي عمرو3 , ياريت ابقى نقطتك بس..
2-طولك كام سنتي؟
اسمها سنتي متر لأن سنتي لوحدها مش كفايه يا باشمهندس لأنها ممكن تكون سنتي لتر مثلا و دي محدة سعه يعني حجم وكتله مش طول خالص, مهندسين ايه دول بس يا ربي, ماعلينا طولي 185 سم..
3 - بتحلق شعرك امتي؟
ياااارب, اللهم اضرب الظالمين بالظالمين و أخرجنا منهم سالمين ..يا جماعه فين خليل؟؟ علشان تكمل و اهج من هنا خالص...
باحلقه لما يطول يا قمر, والله لما بيطول باحلقه, بارتكب فيه مجزره, باقول للحلاق عذبه خليه يقول انا مشط ادبحه ببطء مش بسرعه و آخر مره عملتها كان عند حكيم بتاع شارع الجيش اكيد انت عارفه..يا بتاع الفرن و الألمونيوم ابو رغوه من غير ريحه..
4- من هو مخترع السيكلون؟
مخترع السيكلون حاولت ادور عليه في النت مالقيتهوش و لعلمك ماهمنيش
أكيد واحد كان بيحب الاقماع و البلبطه في الدوامات في البحر لغاية ما راح و ريحنا, قول لي انت بقه اسم اللي اخترغ رغوة الألمونيوم و ماتقوليش معهد فانهوفر في ألمانيا انا عاوز اسم الجثه..
5-ماهو مستقبل السيكلون في ظل العولمة؟
و الله باموت فيك, مستقبله !!! لا اطمن هانشوف له بنت الحلال و نلمه علشان قفشناه كزا مره بيعيط من الوحده في المعمل خلية تعويم كده بنت حلال صناعه روسي برضه اوعى وشك أو اوعى ضهرك على رأي حجاج و لعلمك انت مش مدعو ياللي الفرن بيتحرق و يبوظ منكم من أول السنه لآخرها.
6-ماذا تمثل لك الفلسفة؟
ان كان سؤالك هزار مع احترامي مش هارد علشان بيدايقني استهتار الناس بالفلسفه و بيغضبني الاستهتار بيها من واحد متعلم انا واثق من ذكاؤه زيك كده, لكن لو السؤال جاد أقول لحضرتك عن الفلسفه,
علم موضوعه الأساسي كيفية التفكير يعني بيدرس التفكر نفسه, و اعمال التفكر على الكون -(يعني التدبر في خلق السماوات و الأرض)- بهدف فهمه و الوجود ككل و القيم الخلقيه و الجماليه عند البشر..بهدف الوصول للطريقه المثلى من طرق البحث العلمي لحصول على المعرفه مع النضج الخلقي الكافي لاستخدام المعرفه أسلم و أءمن و أجمل استخدام مع التشريع الأمثل للبشر, يعني بكل بساطه علم يضم كل العلوم و الفنون و الآداب و النشاط الحضاري ككل كفروع تصدر منه. وهيه دي الحقيقه, وكل منجزات وهبطات و الحضاره البشريه من علم وفن و نظم سياسيه و قانونيه واقتصاديه و ثورات شعبيه تعتنق مباديء معينه أساسها أفكار و مباديء فلاسفه نادرا ما شافوا أفكارهم و هيا بتتحقق. ومعنى الكلمه فلسفه هو البحث عن الحكمه يعني بشكل ضيق البحث عن المغزى...
ده تعريفها, انا بقه و الفلسفه تتمثل الحكايه في اني لما بيحصل و اقرا كتاب فلسفي لأي مدرسه أو فضول قريت فيها على النت باحس انه كلام مش جديد عليه و مش أكتر من انه حط عناوين و مصطلحات وعمل تصنيفات و ترتيب لأفكار كانت في بالي بس ماكنتش عارف اديها شكل أو صيغه معينه غير انها مجرد تفكر, و لمعلوماتك السمعه السيئه للفلسفه ليها سببين الأول انها فكر حر بطبيعته ما يعجبش مسئولي المؤسسات الدينيه غير القابلين للتجديد أو للآخر عموما و مش كلهم كده , و الثاني هو الغموض و الالغاز في التعبير كأنها كتابه طلسميه لأعمال السحر و الشعوذه لكن حديثا -يعني القرن اللي فات و ده طبعا- الكتابات الفلسفيه بقه فيها اللي بيتعمد التبسيط و الوضوح و عدم الاطناب...و أخيرا أحب اقول لك ان فلسفة الهندسة كلها أو الحكمه منها و خلاصتها زي ما قال لنا أ.د. السمان ابراهيم في محاضره على قد فهمي هوه ما قالش ده حرفيا, هو الخروج بالعلوم البحته و المعارف المطوره في حدود المعمل الى أوسع مجال ممكن في الfield لاستخدامها على هيئة تقنيهTechnique مع مراعاة الأولويات التالي ذكرها من الأهم فالمهم
1-الأمان , أن لا تكون مضره بالانسان و حديثا أضف و البيئه.
2-الاقتصاد, أقل تكاليف ممكنه من مواد و أساليب تصنيع و تشغيل و صيانه وانه المنتج أصلا سعره يبقى من أرخص مايمكن على المستهلك.
3-الجوده, أعلى أداء ممكن مع أكبر حجم للانتاج و أعلى قدره على البقاء.
يعني من الآخر مش مهم قوي ان المنتج يبقى A1المفروض برضه انه لو كان هدفنا انتاج رغوة ألومنيوم مثلا انه يكون النتاج ضخم و المنتج قابل لتحمل ظروف الشحن و الاستخدام و يعش لمده طويله دون أن يتضرر, وده دايما تحدي هندسي في كل العلوم الهندسيه و تطبيقاتها لأنه الاولويات التلاته اللي قلناهم دول ان كانوا نظريا بيكملوا بعض و الكلام سهل فهم عمليا كلهم بيتناسبوا مع بعض تقريبا تناسب طردي و ماتقدرش تحصل عليهم كلهم مع بعض و دايما بتضحي بحاجات منهم لصاح حاجات تانيه الله أهمها الربح المادي طبعا...
7- ما هو الاسم الذي يمكن ان تطلقه علي نفسك؟
بنّاء..
8-ما هي الصفة التي تتمني وجودها فيك وماذا فعلت لتكتسبها؟
الصفه: اجتماعي, باتعامل مع غيري كويس وبمرونه عادي لكن لما يكون فيه ضروره لذلك وممكن اتكلم معاك في أي موضوع تقريبا بس مش أنا اللي يفتح الكلام و لو قعدت قصادي ساكت ساعه اقعد قصادك ساكت سته ومن غير ما احس للحظه ان في ضروره للتواصل معاك ولو بكلمه لأن دايما بالي مشغول بيني وبين نفسي باللي بخليني ماباحسش بالزهق خالص من الصمت المطبق و لو لأيام ولو قعدت كتير لوحدي باتعود و مفيش مشكله و لو مع ناس كتير و دوشه و زحمه من غير لحظة وحده لفتره طويله برضه مفيش أي مشكله ,و المشكله هنا بقه ,ان وجود التواصل مع حد من عدمه زيه زي بعضه عندي.. و ده مش عاجبني و حاسس انه مش ميزه,
وماذا فعلت حيال ذلك ؟, ولا حاجه.. ولو عندك نصيحه قولها مع انك انت كمان انسان SOLOعزف منفرد مكن نصيحتك تضر ما تنفعش...
9-يا تري متوقع تلاقي شريكة حياتك فين وامتي وانا بقول تتوقع؟
أول مره أفكر في الموضوع ده حاسس انه سؤال سد خانه..
10-ما هو اكثر موقف محرج حصلك؟
زمان في سنه تانيه تقريبا, مره دخلت مدرج من باب الدكتور عادي مش هاممني روحت لقيته ف وشي ,كل الناس ضحكت و هوه كمان لكن قال لي اتفضل لكن قبل مادخل سألني على رأيي في امتحان أعمال السنه طبعا انا بدل ما اقول له اجابه ديبلوماسيه و السلام اتفتحت فيه بقه قصاد الكل , فيه مسائل لافه يا دكتور و أفكار ما نبهتيناش ليها و الأسئله أطول بكتير من وقت الاجابه و قبل ما أكمل باقي الخطبه شاورلي بايده لجوه فيما معناه اتلم و ادخل انت أصلا كنت تستحق الطرد من الأول و طبعا ساعتها كل الناس ضحكت تاني,و ده كان موقف محرج جدا جدا , وشكرا علشان فكرتني بيه طول عمرك عسل...
11-شايف نفسك ازاي بعد 9.5 سنة؟
سؤال مكرر ارجع لاجابتي على حبيبي هوبا و اطرح منها 5%منها و لو ماعرفتش يبقى أحسن..
13-ماهو السؤال الذي لا تود ان يسأله لك احد ولماذا في كرسي الاعتراف جاوب بصراحة (ظبطك يا معلم) ؟
أشوف فيك يوم و يكون صبح عيد الضحيه, علشان ماحدش يبقى فاضيلك خالص, مش هاقوله طبعا و لا هارد عليه , لكن النوع ده من الاسئله معروف انك تسأل الواحد عن سبب قيامه بشيء معين انت عارفه عنه و انه عمله بمحض اردته الشيء ده ضد مبدأ أو قيمه هوه بيدعيها دايما و بيدعي غيره ليها, يعني لو عاوز تخنق على واحد بجد حطه قصاد نفسه في موقف تناقض صريح مع النفس..و ادينا اهو بنعلمكم علم مضر و مؤذي و لاينفع بس علشان تعرف اننا برضه نقدر نكون مع حزب خليل ,لكن اختارنا نكون مع الناس التانيين..
14-الأسئلة دي عادية ولا خنيقة ؟
تقنيا خنيقه و حاولت أعور فيك قد ماقدر لكن ماظنش انك بتحس, لكن good work يا سويفي أسئلتك كانت محدده و ذكيه كما كان متوقع منك..
آخر تعديل ღeng_amrღ يوم 07-27-2009
في 11:42 AM. | | | | | | | | | | | | | | | | | | | |
07-29-2009
|
رقم المشاركة : 20 | | | رد: عمر امين على كرسى الاعتراف
1- كام مرة عاكست بنت فى الشارع ؟
ما عملتش ده غير في أولى ثانوي بس, لا قبل و لابعد كده, والعدد أكبر من اني افتكره...
2- اذكر اكتر موقف محرج حصل ليك فى الكلية ؟
ده سؤال مكرر, لكن تعالى نحوله الى أكتر موقف مخيف حصل لي في الكليه,,
كنت واقف قصاد درجاتنا لأعمال السنه متعلقه, السنه دي الترم التاني و ماعجبتنيش كل الدرجات و قرفت قوي لدرجة اني شتمت ع اللي بيصححوا وكان دكتور...(أ.د. و , ادالنا السنه دي) بيعدي من ورايا في نفس اللحظه , راح بص كده ناحييتي لكنه قصر الشر و بعد عني ساعتها , أصل انا مخيف...الحمد لله انه طلع طيب كان يقدر ينفيني..
3- كام مرة دخلت خناقة واضربت يا بطل ؟ رأيي ان الخناق بالجسم ده يعني ضرب و كده بينزل بالطرفين لمستوى عالم الحيوان بكل بساطه...عن نفسي اذا لغينا خالص فترة وخناقات الطفولة -و ده يكون أحسن- يبقى العدد صفر, لو ما لاغيناهاش يبقى العدد مئات كتيره, و ضربت وانضربت في كل واحده منهم....
| | | | | | | | | | | | | | | | | | | |
08-08-2009
|
رقم المشاركة : 25 | | | رد: عمر امين على كرسى الاعتراف
-4- هل أنت ملتزم في أداء الصلوات الخمس ؟
لا..أنا أصلي,, لكن بلا التزام مستمر...و لكن سوف أنجح يوما ما في تطويع طبعي المتمرد في ذلك الأمر وحده على الأقل....و علشان انا بحب العناكب و أسئلتهم العنكبوتيه هاضغط لك على نفسي و ارد باستفاضه بدون اجابات مقتضبه مكتومة المعاني برغم ان دي كانت نيتي لكن مش عاوز اريحك,و علشانك نفجر كل القواعد تفجيرا.......--هذا العنكبوت..أنا أحبه--"دي تحيتي ليك"...
ما هي إيجابياتك ؟
ما باكذبش على نفسي بكلام يواسيني و مش باحب نهائيا اني أريح عقل حدّ باني أقول له اللي هوه عاوز يسمعه و السلام ونا كده مع غيري الا لما يطلب مني السكوت او يكون فوق ال40 دول ناس مش هاتتغير ماباطلبش منهم غير شوية ديموقراطيه ونا عارف انها صعبه عليهم, أناقابل للتخلي عن أيّ شيء ثبت لي فشله بحزم و بدون أي تردد ما أن أرى البديل و أحيانا أكون صانع البديل, و بصيغة أخرى: لا أرتبط عاطفيا بموروث أبدا مهما كانت عظمة صانعه و لا أمنّي نفسي كثيرا بخير قادم من نبع قد جفّ "تكاسلا" عن تصحيحه أو عن البحث عن غيره كما يفعل الضعيف غير القاطع لأمره أو المقلدين المحافظين بلا فهم...وغير ذلك لا أظن أن لي ميزه سوى كوني "أحترم الانسان اللي قدامي عموما" و متباسط جدا مع الأضعف أو الأجهل أو الأفقر منّي في أي شيء الا لو شكيت انه بيستغل ضعفه لاستدرار حنان الناس و تلك تقنيا بالتأكيد ميزه لأني غير مضطر لاحترامه...
ما هي سلبياتك ؟
سرعة الشعور بالزهق و بعدم الاقتناع مفسد محترف للاستمتاع بالحياه و راحة البال و يؤثر ذلك حينها على كل تصرفاتي و حتى تفكيري, فيصبح كل شيء بطيئ و بلا حيويه..و أفكر بسرعه امّا في نقد الشيء الممل و البحث عن نواقصه او للتفكير في أي أمر آخر و ده اسمه "سرحان و قلة تركيز"... يقال لي كثيرا عن كوني مع كل الناس انسان مسالم جدا و مهذب جدا..و أنا أوّلا أشكّ في هذا جدا الى جانب عدم اقتناعي بكونها ميزه أخلاقيه من أساسه ده مش أكتر من ذكاء اجتماعي أو في الحقيقه "مكر" اجتماعي..المسالم بجد يقف ضد العنيف و يصده عن الضعيف, الغريب قبل القريب, ونا مش كده الا اذا كان الضعيف ده معرفه غير كده مايهمنيش و ده مش خلق "المسالمه" في رأيي, و المؤدب بجد بيعمل حساب كل كل الناس ويدّيلهم مساحه كبيره من التحكم في شكل حياته خارجيا و داخليا ونا مش كده واموت لو عملت نصّ كده الا مع بعض اللي باعاملهم يوميا و بحدود كتيره ما باستثنيش منها حدّ أمّا "باقي الناس" و رأيهم في حاجه زي لبسي أو حبي لتطويل شعري الخشن المستفز أصلا أو أي قول أو فعل يصدر عني أيا كان لا وزن له عندي على الاطلاق, و ده مش "أدب" لأن القيم الأخلاقيه لا تجزأ....
ما هو شعورك وانت على كرسي الإعتراف ؟
الهدوء...حتى الآن..
ما هو الحلم الذي يراودك ؟
عندي 100حلم عاوزهم بجد و اقدر أسمّعهم لك و أغلبهم للناس مش ليّه,,لكن أقول لك من اللي ليّه,و أوّلهم في الخطه: السفر....و أهمّهم اني أكون, دعوة للعقلانية....
هل حبيت قبل كده ؟
أجل..و بلا خوف قد أحب مرات أخرى و أخرى, أرفض البكاء على أمر متوافر بعدد البشر..لكن أنفس أنواع الحب حب قناعاتنا اللي اخترنا تصديقها و الاخلاص لها حتى الموت لأنها تموت و تندثر بتناقص المحبين و المضحين لها مهما كانت حقا بلا باطل,, أما حب الجنسين فباق طالما تسمح الظروف البيئيه للأرض بالحياه للرئيسيات العليا و منها البشر...
إيه هي ملامح الحب عندك ؟ و مواصفات شريكة حياتك ؟
القبول الفطري المتبادل غير المشروط , مع تزايد ثقة و احترام – لا احتياج - كل منهما للآخر عن تجارب و مقابلات عرضيه يسودها صدق المشاعر و ردود الأفعال و الصراحه غير المباليه برضى الآخر من عدمه لا التصنع و يجدان أنهما متوافقين في أكثر من مجال, حينها يدرك تلقائيا كل منهما أن الآخر ربما يكون مشروع شريك حياه ناجح..أما بعد الزواج و المعايشه يأتي الشعور المتبادل بالاحتياج و الاعتماد..اللي قبل الزواج من شوق و لهفه و نار مش أكتر من افرازات هرمونيه كل منهما لا يلام عليها في أوساط مجتمعيه محافظه زي مجتمع مصر,الطبقه الوسطى بكل درجاتها,, لا اللي فوووق محافظين, ولا التحححت هاممهم قوي و ده ف كل زمان و مكان...مواصفات شريكة حياتي: الرزينه مع ان ده صعب, عينها مليانه و مثقفه و ذكيه و واثقه من نفسها جدا ولو مغروره يكون احسن لا أحتمل المرأه الباهته و لا المنكسره باعتبرها فقيره فقر روحي لازم له علاج, و عليها أن تعمل معي على بناء حياتنا بصبر و مسئوليه و تفاؤل لا على أساس انها واحد من أبنائي او أهي عيشه و السلام, و أنا عموما ربيت على أن أقبل أن أعامل من الغير بمثل ما أعامله فلها عليّ ذلك الحق في أي شيء...
كم من المرات حسيت أنه ليس لك لازمة في الحياة ؟
زمان و مرات عددها قليل,.وبيكون عند أيّ فشل أو هزيمه لكن لما الواحد كبر و عرف ان الفشل زي النجاح زي زلات اللسان كلها حاجات الكل معرض ليها كاس و داير ع الكل بدون تفريق لأن مفيش حد حياته كامله مش فاضل عندي أي سبب للشعور بشيء عند ارتكابي لخطأ او فشل الا بعض الملامه الداخليه الخفيفه..لكن أنا عامة مؤمن جدا انه مفيش حد او حاجه وجودها من غير لازمه حتى لو ماعرفش لازمته ايه, منطقيا كده اللي مالوش لازمه انوجد ليه أصلا؟ و ما الداعي اليه؟ في الكون ده و نظامه الطبيعي الجميل لا يحدث تخليق لشيء الا للحاجه لاستغلاله لمهمة ما, هوه بس الانسان بيحب ساعات يفكر في حاجات أكبر بكتير من عقله أو كمية المعلومات عنده...الله يعرف عنك أكتر منك....
هل تعاني من الإكتئاب ؟
مش لدرجة الاكتئاب أبدا, لكن عامة مسحة الحزن من التأمل المشفق -لكلّ شيء بما في ذلك "نفسي"- أقرب لي من الفرح و الرضا عن كلّ شيء, عندي دايما احساس بان الحاجات دي دليل على ضعف الادراك و قلة الاحساس...بس لما بيحصل اني أكتئب باعرف أتمالك نفسي...و لا أعتذر عن نفسي لأحد...
هل أنت صبور و إلى أي حد أنت كذلك ؟
أنا ملول جدا, لكن صبور جدا "عند العمل", يعني باعرف افصل ما بين اللي جوايا و أدائي لمسؤلياتي تماما...
مما تخاف ؟ " غير ربنا سبحانه و تعالى بالطبع " ؟
من نفسي.و ضخامة تطلعاتي.و ميلي الشديد لنقد أي نظام أو فكر سائد و التمرد على بعض قوانينه أو على الأقل كشف عيوبه و تناقضاته.و دي حاجه بتصنع الأعداء قبل الأصدقاء لكن أنا كده ...عمري ماكنت ماشي كده جمب الحيط قوي من غير أي قدر من المشاكل مع ممثلي النظام, اللي مخليني مثلا مش عضو نشط في حزب معارض هو عدم حبي أو احتياجي للانتماء لجماعه تنظمني و السبب الوحيد لكوني عديت بهدوء ع الكليه - و موظفي و دكاترة الأمن- فيها زي النسمه وقت شم النسيم, هو ان والدي حقن في عقلي من صغري كميات ضخمه و مركزه من توقير و تبجيل أي انسان له أي علاقه بالعلم, و علشان كده كنت باحس ان فيها حرمانيه عليه اني اعمل أي قلق مع نظام بتاع الدكاتره برغم انهم بشر جدا, لكن كونهم بتوع علم مخليني نوعا ما أشوفهم فوق على درجه من القداسه برغم اني أصلا بكره ده و ضده على طول الخط و عموما همه استثناء للقاعده عندي, همه لوحدهم ...
هل لديك مشاركات و مساهمات في أحد المنتديات الأخرى ؟ و لماذا ؟
لا , لا أهتم سوى بمنتدانا لأنه يمثل لي نوع من دوام التواصل مع مجموعه كبيره أنا أعرف كتير من أعضائها معرفه مباشره طوال دراستي و يهمني اني أتابع تطور حياتهم وأتعلم منها و منهم لأن ناس كتير في المنتدى ده أصحاب عقل و خلق,, و لم أهتم بمنتديات أخرى غير منتدانا لأنه أصلا انا شايف ان المنتديات دي عوالم منغلقه على نفسها بمواضيع معينه و اشتراطات و قوانين معينه بعضها حتى مش مكتوب زي ان منتدانا مثلا لعضويته قانون ضمني هو ان العضو بالضروره لازم يبقى مهندس و بشكل أكثر انغلاقا مهندس أو طالب قسم تعدين و ده بيفترض مبدئيا في العضو, لكن لا يتم الالتزام بذلك فعليا و لكن أيضا نوعية مواضيعنا و شخصية المنتدى تطرد "غير المهندسين" من الأهتمام بيه, ده غير ان المنتديات عامة مش مفتوحه للكل بدون تسجيل عضويه أنا عارف ان ده لازم و ضروري لكن برضه بيدايقني...زي مايكون العالم ناقص روتين و قواعد...
هل تعتقد أنك ذكي ؟
لا أعتقد اني ذكي, أنا متأكد من ده, و لكن الذكاء مش مهم للدرجه ده مش أكتر من قدره من قدرات الكائن على مغالبة الحياه زي الصحه و القوه العضليه أو المال و أنواع الذكاء كتيره قليل منها عندي,و المهم قوي بقه هيه "الحكمه أو البصيره" في اختياراتك اليوميه و المصيريه و مدى احتمالك "للاستفزاز" و العبثي من الأمور و ده بقه مالوش دعوه بالذكاء دي حاجه كده,و زي البصيره الحكيمه صدف واحتمالات عشوائيه مره تصيب و مره تخيب..و ياما فيه أذكيه بيقعوا وقعات أغبى منها مفيش...ونا منهم بس ده مش سبب لعدم اعتبارها تجارب أو سبب لكره الحياه...
هل أنت إنسان يأخذ برأيه و تستشار في المسائل الشخصية من قبل زملائك ؟
كثيرا, لكني لا أحب ذلك ,و ربما لأني أجيد الاستماع جدا و أبدو كتوما و أحترم أوهام الآخرين عن العالم و أنا كذلك فعلا أغري الغير بالفضفضه عندي و أنا حقيقة غير فضولي اطلاقا فيما يتعلق بحياة أفراد الناس و مشاكلهم الشخصيه أو نجاحاتهم لا تمثل عندي شيء مثير بتاتا لدرجة اني أتذكره أصلا فضلا عن افشائه للغير, و باقول الحل المنطقي العملي الواقعي للواحد منهم اللي بيكون غالبا عامل انه مش شايفه أو مش فاهمه لكن في الحقيقه أغلب الناس مش بيواجهوا الحقايق و بيمشوا في أسرع فرصه ورا أوهامهم و يصدقوها.. ونا كده برضه لكن مش بالشكل المبالغ فيه ده..
ما هي الحكمة التي تأخذ بها الأمور في حياتك ؟.
كن دائما ناقد متشكك لا يقتنع و لا يعتمد أمرا بشكل مطلق أبدا,,كن رئيس جمهورية نفسك,, و حاول أن تخلف من ورائك دائما في أي مكان شيئا ينفع الناس,, و لا شيء أنفع من المعرفه..
ما هو أحسن توقيع عجبك للأعضاء في المنتدى ؟
أحسن توقيع شفته في كل النت, لغاية دلوقتي, التوقيع الأخير ل م/محمد هشام.... توقيع : ENG_M7MD_H فـــــــكـــــــــك مـــــــنــــــــــي
ما هو أحسن موضوع إطلعت عليه و عجبك جدا ؟ " موضوع واحد و بس "؟
موضوع م/محمد هشام المثبت في منتدى سوق العمل باسم"هاااام يا مهندسين"-منقول...و أكتر موضوع مبهر"و سؤالك كان عن "الاحسن" مش الأكثر ابهارا" موضوع مش فاكر اسمه للأسف و لا اسم اللي عملته علشان مشاركاتها مش كتيره..و الموضوع في أوله طفل ماسك كتاب و كان كله نصائح عمليه محدده مفيده جدا زي موضوع محمد هشام برضه بس عن كيفية تربيتك ومعاملتك لابنك, تربيه و معامله علميه صحيه تنشؤه من غير عقد على الأقل...
معاك 3 وردات بلدي تهديهم لمن ؟" 3 و بس "
أكبر و أجمل واحده لوالدتي, و التانيه لعبد الرحمن يوسف علشان ده أكتر انسان هايوحشني مش عارف هايفهمها ازاي دي؟ ماتيجي نخليها له قلم أو سلسلة مفاتيح أو شامبر نضاره حتى؟؟., الورده التالته دي ليه أنا,علشان هاقعد قدامها زي العاشق في فيلم تايتانيك أرسمها بكل تفاني و تركييييز و بالكاتر هاشرحها حته حته و بالعدسه أم خمسه جنيه أفحص كل فتفوته فيها. و ارسم كل حته لوحدها و بعد كده هاغليهم في الميه كتير و أشوف ايه ملامح السائل الناتج و كل حاجه بتتسجل و بعد التنشيف في الشمس, هاسحب الهون من غير اذن الحاجه طبعا و أخليهم بودره خالص و دا أول الطريق مش أكتر....فلو الورده دي هاتصعب عليك قوي خليها عندك.....
من هو العضو الذي تودّ أن يكون مشرف ؟ و أي قسم ليشرف عليه؟
الدماغ التمام مشرف قسم: التنميه البشريه و انت مشرف قسم: للعلوم الهندسيه + قسم عن النصائح الصحيه الوقائيه و العلاجيه و دي أفكارك انت مش أفكاري لكن انا مقتنع بيها و ييجي بقه دوري,, ياريت يكون كل المشرفين معاهم كلمات سر تخلي أي حد منهم يقدر ينوب عن المدير في كل حاجه مفيش نظام له رئيس و مالوش على الأقل نائب رئيس واحد..أنا بحبك يا هوبا لكن لو حصلت حاجه كده ولا كده المنتدى لازم يعيش, يا حبيبي انت في القلب, لكن المنتدى في النت...
ما هو المشروب المفضل ؟
عصير الليمون, و الحلبسه شطه زياده لو اعتبرناها مشروب...مع ان رأيي انها احدى الأكلات الانتحاريه المصريه, حاجه كده أكيد أكيد ضررها أكتر من نفعها لكن ما حدش هامه واهي ماشيه..
ما هي الأكلة المفضلة ؟
الكوسه لما تكون في مصلحتي علشان النظم المصريه مالهاش احترام عندي لما تبقى غير كده نبقى نكره الكوسه, دي أول حاجه فكرت فيها هنا, لكن الأكل عامة كله عندي عادي بحبه كله المهم يكون فيه اختراعات أي أي اختراعات...
ما هو الفيلم العربي و المسلسل العربي المفضل ؟
فيلم مواطن ومخبر وحرامي, ومسلسل الملك فاروق, ونا بقه أصلا مش معترف ان العرب ليهم فيها..لكن انا بس بجاوب ع السؤال احتراما للسائل...الابداع الفني و الأدبي و السياسي مثلا و التشريعي و العلمي كمان بعيد قوي عن العرب لأن دي مجتمعات عقلها و روحها اتجمدوا من عصور بسبب قيود و سلاسل –الحكومات واحده منها بس- متقييدين بيها لدرجة انهم بقيم ناس بتعيش علشان تعيش علشان تعيش..فماتكلمنيش عن ابداع بالعربي....
ما هو الفيلم الاجنبي و المسلسل الأجنبي المفضل؟
...."Withering heights" Film & "Boston legal" Series…
بتفهم في الكمبيوتر و برامجه و تقدر تحل المشاكل بنفسك ؟
لأ لأني مش مهتم بيه كهوايه ده مليان تفاصيل و قوانين,, لكن دايما باعرف اتعلم الحاجه اللي عاوزها منه لغرض معين محدد في ساعتها غير كده مافيش....
لماذا لا تدخل قسم الحاسب الآلي بالمنتدى ؟
انا عارف نفسي مش هادخله الا مضطرا, ونا ماحبش أدخل مواضيع أقول فيها شكرا والسلام, دي بتحصل لما بيكون الموضوع ما فرقش معايا و مش لاقي له رد فعل عندي,,, مجرد الشكر و كلام لذيذ و ذوق و خلاص. من غير ابداء رأي أو اضافه أو تعديل باعتبره رد سلبي جدا جدا...
هل تحب حياتك التي تعيشها الآن ؟
باحب كل الحياه لكن لا أرضى تمام الرضى ولا أقنع...
هل تخاف من الظلام عند إنقطاع الكهرباء ؟
غضبي على موظفين محطة و كل ادارة الكهربا ساعتها مش بيسيب أي مكان للخوف ...
ماهي سيارتك المفضلة ؟
ياباني..-Race- أيّ موتوسيكل
ما هي هواياتك؟
سواقة العجله على الارصفه و عكس السير لغاية ماتبوظ مني و الدخول و الغطس في البحر لغاية مالسحب يوريني الويل واطلع بالعافيه لازم بالعافيه, و قراية كل أنواع الكتابات لأن تنوع المعرفه و عمقها هدفي لأني مؤمن ان الجهل بأصل و حقيقة أيّ حاجه أو الاكتفاء بمقوله واحده في أي موضوع مع الغلق النهائي لباب مراجعتها أو تغييرها مصدر كل تعصب و تخلف و استعلاء قاتل و خساره و احنا كحضاره يبدو انها في طور الاحتضار –و ياريت صراحتي تتفهم غلط- في حاجه لاعادة احيائنا بسرعه بتفتيح العيون والعقول من غير خوف على كل حاجه عند غيرنا و عندنا على قدم المساواه و الا فهي سنة الأولين اللي مابتفرقش: "الفناء لغير القابل للجديد, اللي وقف عند اللي ورثه من آباؤه وقفل دماغه على كده بالضبه و المفتاح"...
إيه اللي مش عاجبك في المنتدى و عايز تغيره حالا ؟
حاجات شكليه زي خلفياته الصفرا الممله دي,لا منه لون سخن و لا بارد, ومواضيعه و اقسامه مش كتيره لكن مع الأيام و الاهتمام هايكبر تطويره مسئولية الكل..
مين بتحب ترد علي مواضيعه دائما ؟
مش ملتزم بعضو معين, لكن باشوف أولا أحدث مواضيعك يا روح المنتدى و محمد هشام و مواضيع الدماغ التمام مع انه مش بيقول كل اللي عنده من آراء, و مواضيع المدير + أي موضوع بينقد أي حاجه في مجتمعنا قبل ما ننقد الآخرين..أنا ماعملتش مواضيع فيها نقد ذاتي لكن لو أخدنا الضوء الأخضر من المدير هامشي في الموضوع ده من غير رجعه أو تغاضي عن أي تفصيله فينا أو خطوط حمرا أو فوشيا لغاية ما المدير يندم و ينذرني و أتمرد أكتر فايرفدني علشان ابقى عبره و مثل للآخرين...لكن هادخل باسم جديد و ادوخه, بحبك يا بوب....
هل خنقتك بأسئلتي ؟
يعني لو قلت لك أيوه, هايحصل ايه؟؟؟
ما رأيك فيspiderبصراحة شديدة و بدون أي إحراج ؟
حساس و مراعي للآخرين جدا, اعجابك بدماغ م/محمد السمان مبرر جدا جدا لكنّه زايد, و انت طيب و أبيض من جوه, و جواني جدا و كمان سوداوي شويه, و عند الغضب مجنون علشان المؤدبين عندهم كبت كبير و اجتماعيا ذكي جدا نصيحتي ليك: تكوين المعارف الكتير مفيد و كمان مضرّ و ساعة الجد في أغلب الأحيان مابيخدمكش غير اللي جمبك اللي انت خدمته و لسه ممكن تخدمه أو اللي هوه متأكد انك قادر تردها له , و احاطة نفسك بالحب فيها سعادتك وأكيد ده حلمك لكن الحب لازم يكون مصحوب بحراسة الحب بشجاعه و شده بدون لين من قسوة الواقع و من الدخيل المفسد من الناس عن حسن نيه من دائرة العائله و الأصدقاء أو عن حقد خليك شويه متحكم و انفرادي جاذب للآخر قبل ماتكون منجذب..و اخترع مواضيع نوعها ما فيهوش تقليد أو متابعه لموضوع مفتوح اخترعه غيرك منتظر منك "انت تحديدا" توسيعات كبيره للمنتدى...
ما النصيحة التي تنصح نفسك بها حالا ؟
كن أكثر صرامة مع نفسك والآخرين ,لا تتوقف عن مراجعة كل شيء بجرأه لكن احذر من الغرور و اعرف حدود عقلك أن كفي النهايه تجهل أكثر مما تعلم, و كوّن الصداقات مع النافعين عموما لا مع الأقوياء و الأذكياء فحسب.. ما النصيحة التي تنصح بهاspiderيجب أن تكتب نصيحة و لا تتهرب ؟
و اتهرب ليه؟!, يا سيد كل الشبكه العنكبوتيه, بطل تكتب ردود كلها موافقه و شكر و تأييد و تأكيد و بس و دي نصيحه أخويه للكل هنا برضه,, شكلك يا انسان يا ذوق بتخلي عدم الرضى أو الخلاف في الرأي مع اي حد لنفسك, صرح بكل آرائك وانفعالاتك, لما قريت ردودك في كرسي الاعتراف لقيت انك مش تقليدي و انسان ذكي مقترح للأفكار قول آرائك كلها ماتخليش رغبتك الجارفه في تثبيت كل الناس تمنعك عن مصارحتهم ونا أول واحد باقولك: رأيك المخالف او اضافتك او تعقيبك او تصحيحك لأي رد أو موضوع أنا اعمله هايحببني فيك أكتر ونا عند كلمتي..
ماذا تكتب لصاحب فكرة موضوع كرسي الإعتراف " محمد هشام " ؟ اهتم أكثر يا قلب المنتدى, عد لسابق عهدك معنا لا تترك الملل يسيطرعليك تجاه المنتدى, "هنا" يوجد من يحبون طريقتك ويقدرون جهدك "هنا" من يرون أنك من أعمدة هذا المنتدى الرئيسيه, و أمّا نصيحتي لك فنابعه من تحليلي لمواضيعك في المنتدى لأني لا أعرف شيئا عنك شخصيا الا اسمك و شكلك وانك مهندس في أول الطريق و أعرف انك صانع مذكرات حازت على ثقتي و احترامي أنا و غيري طول دراستي و لكن لم أرك الا قليلا أتمنى أن أكون موفقا في تصوري لشخصيتك و أقول لك:تقريبا انت انسان رومانسي, فلا تخجل من قلبك الحنون أبدا و لا تسمح له بقيادة حياتك و لو للحظه, فما هو الا مصدر للمشاكل في معظم الأحيان..أنت انسان مجدّ لا تهاب الدخول في الأعمال الضخمه المجهده و لذلك يعتمد عليك و بالتالي لك مستقبل واعد جدا كن على ثقه منذ الآن من استحقاقك له و لا أخشى عليك من الغرور و ركز في شغلك قوي. قوي. قوي..... بس ماتنساش المنتدى.. شكرا يا عمرو و يا رب أكون خنقتك بالجزء الأول من أسئلتي ! و إنتظر الجزء الثاني من الأسئلة !
| | | | | | | | | | | | | | | | | | | |
08-08-2009
|
رقم المشاركة : 26 | | | رد: عمر امين على كرسى الاعتراف
-4-
هل أنت ملتزم في أداء الصلوات الخمس ؟ لا..أنا أصلي,, لكن بلا التزام مستمر...و لكن سوف أنجح يوما ما في تطويع طبعي المتمرد في ذلك الأمر وحده على الأقل....و علشان انا بحب العناكب و أسئلتهم العنكبوتيه هاضغط لك على نفسي و ارد باستفاضه بدون اجابات مقتضبه مكتومة المعاني برغم ان دي كانت نيتي لكن مش عاوز اريحك,و علشانك نفجر كل القواعد تفجيرا.......--هذا العنكبوت..أنا أحبه--"دي تحيتي ليك"... ما هي إيجابياتك ؟ ما باكذبش على نفسي بكلام يواسيني و مش باحب نهائيا اني أريح عقل حدّ باني أقول له اللي هوه عاوز يسمعه و السلام ونا كده مع غيري الا لما يطلب مني السكوت او يكون فوق ال40 دول ناس مش هاتتغير ماباطلبش منهم غير شوية ديموقراطيه ونا عارف انها صعبه عليهم, أناقابل للتخلي عن أيّ شيء ثبت لي فشله بحزم و بدون أي تردد ما أن أرى البديل و أحيانا أكون صانع البديل, و بصيغة أخرى: لا أرتبط عاطفيا بموروث أبدا مهما كانت عظمة صانعه و لا أمنّي نفسي كثيرا بخير قادم من نبع قد جفّ "تكاسلا" عن تصحيحه أو عن البحث عن غيره كما يفعل الضعيف غير القاطع لأمره أو المقلدين المحافظين بلا فهم...وغير ذلك لا أظن أن لي ميزه سوى كوني "أحترم الانسان اللي قدامي عموما" و متباسط جدا مع الأضعف أو الأجهل أو الأفقر منّي في أي شيء الا لو شكيت انه بيستغل ضعفه لاستدرار حنان الناس و تلك تقنيا بالتأكيد ميزه لأني غير مضطر لاحترامه... ما هي سلبياتك ؟
سرعة الشعور بالزهق و بعدم الاقتناع مفسد محترف للاستمتاع بالحياه و راحة البال و يؤثر ذلك حينها على كل تصرفاتي و حتى تفكيري, فيصبح كل شيء بطيئ و بلا حيويه..و أفكر بسرعه امّا في نقد الشيء الممل و البحث عن نواقصه او للتفكير في أي أمر آخر و ده اسمه "سرحان و قلة تركيز"... يقال لي كثيرا عن كوني مع كل الناس انسان مسالم جدا و مهذب جدا..و أنا أوّلا أشكّ في هذا جدا الى جانب عدم اقتناعي بكونها ميزه أخلاقيه من أساسه ده مش أكتر من ذكاء اجتماعي أو في الحقيقه "مكر" اجتماعي..المسالم بجد يقف ضد العنيف و يصده عن الضعيف, الغريب قبل القريب, ونا مش كده الا اذا كان الضعيف ده معرفه غير كده مايهمنيش و ده مش خلق "المسالمه" في رأيي, و المؤدب بجد بيعمل حساب كل كل الناس ويدّيلهم مساحه كبيره من التحكم في شكل حياته خارجيا و داخليا ونا مش كده واموت لو عملت نصّ كده الا مع بعض اللي باعاملهم يوميا و بحدود كتيره ما باستثنيش منها حدّ أمّا "باقي الناس" و رأيهم في حاجه زي لبسي أو حبي لتطويل شعري الخشن المستفز أصلا أو أي قول أو فعل يصدر عني أيا كان لا وزن له عندي على الاطلاق, و ده مش "أدب" لأن القيم الأخلاقيه لا تجزأ.... ما هو شعورك وانت على كرسي الإعتراف ؟
الهدوء...حتى الآن.. ما هو الحلم الذي يراودك ؟ عندي 100حلم عاوزهم بجد و اقدر أسمّعهم لك و أغلبهم للناس مش ليّه,,لكن أقول لك من اللي ليّه,و أوّلهم في الخطه: السفر....و أهمّهم اني أكون, دعوة للعقلانية.... هل حبيت قبل كده ؟
أجل..و بلا خوف قد أحب مرات أخرى و أخرى, أرفض البكاء على أمر متوافر بعدد البشر..لكن أنفس أنواع الحب حب قناعاتنا اللي اخترنا تصديقها و الاخلاص لها حتى الموت لأنها تموت و تندثر بتناقص المحبين و المضحين لها مهما كانت حقا بلا باطل,, أما حب الجنسين فباق طالما تسمح الظروف البيئيه للأرض بالحياه للرئيسيات العليا و منها البشر... إيه هي ملامح الحب عندك ؟ و مواصفات شريكة حياتك ؟
القبول الفطري المتبادل غير المشروط , مع تزايد ثقة و احترام – لا احتياج - كل منهما للآخر عن تجارب و مقابلات عرضيه يسودها صدق المشاعر و ردود الأفعال و الصراحه غير المباليه برضى الآخر من عدمه لا التصنع و يجدان أنهما متوافقين في أكثر من مجال, حينها يدرك تلقائيا كل منهما أن الآخر ربما يكون مشروع شريك حياه ناجح..أما بعد الزواج و المعايشه يأتي الشعور المتبادل بالاحتياج و الاعتماد..اللي قبل الزواج من شوق و لهفه و نار مش أكتر من افرازات هرمونيه كل منهما لا يلام عليها في أوساط مجتمعيه محافظه زي مجتمع مصر,الطبقه الوسطى بكل درجاتها,, لا اللي فوووق محافظين, ولا التحححت هاممهم قوي و ده ف كل زمان و مكان...مواصفات شريكة حياتي: الرزينه مع ان ده صعب, عينها مليانه و مثقفه و ذكيه و واثقه من نفسها جدا ولو مغروره يكون احسن لا أحتمل المرأه الباهته و لا المنكسره باعتبرها فقيره فقر روحي لازم له علاج, و عليها أن تعمل معي على بناء حياتنا بصبر و مسئوليه و تفاؤل لا على أساس انها واحد من أبنائي او أهي عيشه و السلام, و أنا عموما ربيت على أن أقبل أن أعامل من الغير بمثل ما أعامله فلها عليّ ذلك الحق في أي شيء... كم من المرات حسيت أنه ليس لك لازمة في الحياة ؟
زمان و مرات عددها قليل,.وبيكون عند أيّ فشل أو هزيمه لكن لما الواحد كبر و عرف ان الفشل زي النجاح زي زلات اللسان كلها حاجات الكل معرض ليها كاس و داير ع الكل بدون تفريق لأن مفيش حد حياته كامله مش فاضل عندي أي سبب للشعور بشيء عند ارتكابي لخطأ او فشل الا بعض الملامه الداخليه الخفيفه..لكن أنا عامة مؤمن جدا انه مفيش حد او حاجه وجودها من غير لازمه حتى لو ماعرفش لازمته ايه, منطقيا كده اللي مالوش لازمه انوجد ليه أصلا؟ و ما الداعي اليه؟ في الكون ده و نظامه الطبيعي الجميل لا يحدث تخليق لشيء الا للحاجه لاستغلاله لمهمة ما, هوه بس الانسان بيحب ساعات يفكر في حاجات أكبر بكتير من عقله أو كمية المعلومات عنده...الله يعرف عنك أكتر منك.... هل تعاني من الإكتئاب ؟
مش لدرجة الاكتئاب أبدا, لكن عامة مسحة الحزن من التأمل المشفق -لكلّ شيء بما في ذلك "نفسي"- أقرب لي من الفرح و الرضا عن كلّ شيء, عندي دايما احساس بان الحاجات دي دليل على ضعف الادراك و قلة الاحساس...بس لما بيحصل اني أكتئب باعرف أتمالك نفسي...و لا أعتذر عن نفسي لأحد... هل أنت صبور و إلى أي حد أنت كذلك ؟
أنا ملول جدا, لكن صبور جدا "عند العمل", يعني باعرف افصل ما بين اللي جوايا و أدائي لمسؤلياتي تماما... مما تخاف ؟ " غير ربنا سبحانه و تعالى بالطبع " ؟
من نفسي.و ضخامة تطلعاتي.و ميلي الشديد لنقد أي نظام أو فكر سائد و التمرد على بعض قوانينه أو على الأقل كشف عيوبه و تناقضاته.و دي حاجه بتصنع الأعداء قبل الأصدقاء لكن أنا كده ...عمري ماكنت ماشي كده جمب الحيط قوي من غير أي قدر من المشاكل مع ممثلي النظام, اللي مخليني مثلا مش عضو نشط في حزب معارض هو عدم حبي أو احتياجي للانتماء لجماعه تنظمني و السبب الوحيد لكوني عديت بهدوء ع الكليه - و موظفي و دكاترة الأمن- فيها زي النسمه وقت شم النسيم, هو ان والدي حقن في عقلي من صغري كميات ضخمه و مركزه من توقير و تبجيل أي انسان له أي علاقه بالعلم, و علشان كده كنت باحس ان فيها حرمانيه عليه اني اعمل أي قلق مع نظام بتاع الدكاتره برغم انهم بشر جدا, لكن كونهم بتوع علم مخليني نوعا ما أشوفهم فوق على درجه من القداسه برغم اني أصلا بكره ده و ضده على طول الخط و عموما همه استثناء للقاعده عندي, همه لوحدهم ... هل لديك مشاركات و مساهمات في أحد المنتديات الأخرى ؟ و لماذا ؟
لا , لا أهتم سوى بمنتدانا لأنه يمثل لي نوع من دوام التواصل مع مجموعه كبيره أنا أعرف كتير من أعضائها معرفه مباشره طوال دراستي و يهمني اني أتابع تطور حياتهم وأتعلم منها و منهم لأن ناس كتير في المنتدى ده أصحاب عقل و خلق,, و لم أهتم بمنتديات أخرى غير منتدانا لأنه أصلا انا شايف ان المنتديات دي عوالم منغلقه على نفسها بمواضيع معينه و اشتراطات و قوانين معينه بعضها حتى مش مكتوب زي ان منتدانا مثلا لعضويته قانون ضمني هو ان العضو بالضروره لازم يبقى مهندس و بشكل أكثر انغلاقا مهندس أو طالب قسم تعدين و ده بيفترض مبدئيا في العضو, لكن لا يتم الالتزام بذلك فعليا و لكن أيضا نوعية مواضيعنا و شخصية المنتدى تطرد "غير المهندسين" من الأهتمام بيه, ده غير ان المنتديات عامة مش مفتوحه للكل بدون تسجيل عضويه أنا عارف ان ده لازم و ضروري لكن برضه بيدايقني...زي مايكون العالم ناقص روتين و قواعد... هل تعتقد أنك ذكي ؟
لا أعتقد اني ذكي, أنا متأكد من ده, و لكن الذكاء مش مهم للدرجه ده مش أكتر من قدره من قدرات الكائن على مغالبة الحياه زي الصحه و القوه العضليه أو المال و أنواع الذكاء كتيره قليل منها عندي,و المهم قوي بقه هيه "الحكمه أو البصيره" في اختياراتك اليوميه و المصيريه و مدى احتمالك "للاستفزاز" و العبثي من الأمور و ده بقه مالوش دعوه بالذكاء دي حاجه كده,و زي البصيره الحكيمه صدف واحتمالات عشوائيه مره تصيب و مره تخيب..و ياما فيه أذكيه بيقعوا وقعات أغبى منها مفيش...ونا منهم بس ده مش سبب لعدم اعتبارها تجارب أو سبب لكره الحياه... هل أنت إنسان يأخذ برأيه و تستشار في المسائل الشخصية من قبل زملائك ؟
كثيرا, لكني لا أحب ذلك ,و ربما لأني أجيد الاستماع جدا و أبدو كتوما و أحترم أوهام الآخرين عن العالم و أنا كذلك فعلا أغري الغير بالفضفضه عندي و أنا حقيقة غير فضولي اطلاقا فيما يتعلق بحياة أفراد الناس و مشاكلهم الشخصيه أو نجاحاتهم لا تمثل عندي شيء مثير بتاتا لدرجة اني أتذكره أصلا فضلا عن افشائه للغير, و باقول الحل المنطقي العملي الواقعي للواحد منهم اللي بيكون غالبا عامل انه مش شايفه أو مش فاهمه لكن في الحقيقه أغلب الناس مش بيواجهوا الحقايق و بيمشوا في أسرع فرصه ورا أوهامهم و يصدقوها.. ونا كده برضه لكن مش بالشكل المبالغ فيه ده.. ما هي الحكمة التي تأخذ بها الأمور في حياتك ؟.
كن دائما ناقد متشكك لا يقتنع و لا يعتمد أمرا بشكل مطلق أبدا,,كن رئيس جمهورية نفسك,, و حاول أن تخلف من ورائك دائما في أي مكان شيئا ينفع الناس,, و لا شيء أنفع من المعرفه.. ما هو أحسن توقيع عجبك للأعضاء في المنتدى ؟ أحسن توقيع شفته في كل النت, لغاية دلوقتي, التوقيع الأخير ل م/محمد هشام.... توقيع : ENG_M7MD_H
فـــــــكـــــــــك مـــــــنــــــــــي
ما هو أحسن موضوع إطلعت عليه و عجبك جدا ؟ " موضوع واحد و بس "؟ موضوع م/محمد هشام المثبت في منتدى سوق العمل باسم"هاااام يا مهندسين"-منقول...و أكتر موضوع مبهر"و سؤالك كان عن "الاحسن" مش الأكثر ابهارا" موضوع مش فاكر اسمه للأسف و لا اسم اللي عملته علشان مشاركاتها مش كتيره..و الموضوع في أوله طفل ماسك كتاب و كان كله نصائح عمليه محدده مفيده جدا زي موضوع محمد هشام برضه بس عن كيفية تربيتك ومعاملتك لابنك, تربيه و معامله علميه صحيه تنشؤه من غير عقد على الأقل... معاك 3 وردات بلدي تهديهم لمن ؟" 3 و بس "
أكبر و أجمل واحده لوالدتي, و التانيه لعبد الرحمن يوسف علشان ده أكتر انسان هايوحشني مش عارف هايفهمها ازاي دي؟ ماتيجي نخليها له قلم أو سلسلة مفاتيح أو شامبر نضاره حتى؟؟., الورده التالته دي ليه أنا,علشان هاقعد قدامها زي العاشق في فيلم تايتانيك أرسمها بكل تفاني و تركييييز و بالكاتر هاشرحها حته حته و بالعدسه أم خمسه جنيه أفحص كل فتفوته فيها. و ارسم كل حته لوحدها و بعد كده هاغليهم في الميه كتير و أشوف ايه ملامح السائل الناتج و كل حاجه بتتسجل و بعد التنشيف في الشمس, هاسحب الهون من غير اذن الحاجه طبعا و أخليهم بودره خالص و دا أول الطريق مش أكتر....فلو الورده دي هاتصعب عليك قوي خليها عندك..... من هو العضو الذي تودّ أن يكون مشرف ؟ و أي قسم ليشرف عليه؟
الدماغ التمام مشرف قسم: التنميه البشريه و انت مشرف قسم: للعلوم الهندسيه + قسم عن النصائح الصحيه الوقائيه و العلاجيه و دي أفكارك انت مش أفكاري لكن انا مقتنع بيها و ييجي بقه دوري,, ياريت يكون كل المشرفين معاهم كلمات سر تخلي أي حد منهم يقدر ينوب عن المدير في كل حاجه مفيش نظام له رئيس و مالوش على الأقل نائب رئيس واحد..أنا بحبك يا هوبا لكن لو حصلت حاجه كده ولا كده المنتدى لازم يعيش, يا حبيبي انت في القلب, لكن المنتدى في النت... ما هو المشروب المفضل ؟
عصير الليمون, و الحلبسه شطه زياده لو اعتبرناها مشروب...مع ان رأيي انها احدى الأكلات الانتحاريه المصريه, حاجه كده أكيد أكيد ضررها أكتر من نفعها لكن ما حدش هامه واهي ماشيه.. ما هي الأكلة المفضلة ؟
الكوسه لما تكون في مصلحتي علشان النظم المصريه مالهاش احترام عندي لما تبقى غير كده نبقى نكره الكوسه, دي أول حاجه فكرت فيها هنا, لكن الأكل عامة كله عندي عادي بحبه كله المهم يكون فيه اختراعات أي أي اختراعات... ما هو الفيلم العربي و المسلسل العربي المفضل ؟
فيلم مواطن ومخبر وحرامي, ومسلسل الملك فاروق, ونا بقه أصلا مش معترف ان العرب ليهم فيها..لكن انا بس بجاوب ع السؤال احتراما للسائل...الابداع الفني و الأدبي و السياسي مثلا و التشريعي و العلمي كمان بعيد قوي عن العرب لأن دي مجتمعات عقلها و روحها اتجمدوا من عصور بسبب قيود و سلاسل –الحكومات واحده منها بس- متقييدين بيها لدرجة انهم بقيم ناس بتعيش علشان تعيش علشان تعيش..فماتكلمنيش عن ابداع بالعربي.... ما هو الفيلم الاجنبي و المسلسل الأجنبي المفضل؟
...."Withering heights" Film & "Boston legal" Series… بتفهم في الكمبيوتر و برامجه و تقدر تحل المشاكل بنفسك ؟
لأ لأني مش مهتم بيه كهوايه ده مليان تفاصيل و قوانين,, لكن دايما باعرف اتعلم الحاجه اللي عاوزها منه لغرض معين محدد في ساعتها غير كده مافيش.... لماذا لا تدخل قسم الحاسب الآلي بالمنتدى ؟
انا عارف نفسي مش هادخله الا مضطرا, ونا ماحبش أدخل مواضيع أقول فيها شكرا والسلام, دي بتحصل لما بيكون الموضوع ما فرقش معايا و مش لاقي له رد فعل عندي,,, مجرد الشكر و كلام لذيذ و ذوق و خلاص. من غير ابداء رأي أو اضافه أو تعديل باعتبره رد سلبي جدا جدا... هل تحب حياتك التي تعيشها الآن ؟
باحب كل الحياه لكن لا أرضى تمام الرضى ولا أقنع... هل تخاف من الظلام عند إنقطاع الكهرباء ؟
غضبي على موظفين محطة و كل ادارة الكهربا ساعتها مش بيسيب أي مكان للخوف ... ماهي سيارتك المفضلة ؟ ياباني..-Race- أيّ موتوسيكل ما هي هواياتك؟
سواقة العجله على الارصفه و عكس السير لغاية ماتبوظ مني و الدخول و الغطس في البحر لغاية مالسحب يوريني الويل واطلع بالعافيه لازم بالعافيه, و قراية كل أنواع الكتابات لأن تنوع المعرفه و عمقها هدفي لأني مؤمن ان الجهل بأصل و حقيقة أيّ حاجه أو الاكتفاء بمقوله واحده في أي موضوع مع الغلق النهائي لباب مراجعتها أو تغييرها مصدر كل تعصب و تخلف و استعلاء قاتل و خساره و احنا كحضاره يبدو انها في طور الاحتضار –و ياريت صراحتي تتفهم غلط- في حاجه لاعادة احيائنا بسرعه بتفتيح العيون والعقول من غير خوف على كل حاجه عند غيرنا و عندنا على قدم المساواه و الا فهي سنة الأولين اللي مابتفرقش: "الفناء لغير القابل للجديد, اللي وقف عند اللي ورثه من آباؤه وقفل دماغه على كده بالضبه و المفتاح"... إيه اللي مش عاجبك في المنتدى و عايز تغيره حالا ؟
حاجات شكليه زي خلفياته الصفرا الممله دي,لا منه لون سخن و لا بارد, ومواضيعه و اقسامه مش كتيره لكن مع الأيام و الاهتمام هايكبر تطويره مسئولية الكل.. مين بتحب ترد علي مواضيعه دائما ؟
مش ملتزم بعضو معين, لكن باشوف أولا أحدث مواضيعك يا روح المنتدى و محمد هشام و مواضيع الدماغ التمام مع انه مش بيقول كل اللي عنده من آراء, و مواضيع المدير + أي موضوع بينقد أي حاجه في مجتمعنا قبل ما ننقد الآخرين..أنا ماعملتش مواضيع فيها نقد ذاتي لكن لو أخدنا الضوء الأخضر من المدير هامشي في الموضوع ده من غير رجعه أو تغاضي عن أي تفصيله فينا أو خطوط حمرا أو فوشيا لغاية ما المدير يندم و ينذرني و أتمرد أكتر فايرفدني علشان ابقى عبره و مثل للآخرين...لكن هادخل باسم جديد و ادوخه, بحبك يا بوب.... هل خنقتك بأسئلتي ؟
يعني لو قلت لك أيوه, هايحصل ايه؟؟؟ ما رأيك فيspiderبصراحة شديدة و بدون أي إحراج ؟ حساس و مراعي للآخرين جدا, اعجابك بدماغ م/محمد السمان مبرر جدا جدا لكنّه زايد, و انت طيب و أبيض من جوه, و جواني جدا و كمان سوداوي شويه, و عند الغضب مجنون علشان المؤدبين عندهم كبت كبير و اجتماعيا ذكي جدا نصيحتي ليك: تكوين المعارف الكتير مفيد و كمان مضرّ و ساعة الجد في أغلب الأحيان مابيخدمكش غير اللي جمبك اللي انت خدمته و لسه ممكن تخدمه أو اللي هوه متأكد انك قادر تردها له , و احاطة نفسك بالحب فيها سعادتك وأكيد ده حلمك لكن الحب لازم يكون مصحوب بحراسة الحب بشجاعه و شده بدون لين من قسوة الواقع و من الدخيل المفسد من الناس عن حسن نيه من دائرة العائله و الأصدقاء أو عن حقد خليك شويه متحكم و انفرادي جاذب للآخر قبل ماتكون منجذب..و اخترع مواضيع نوعها ما فيهوش تقليد أو متابعه لموضوع مفتوح اخترعه غيرك منتظر منك "انت تحديدا" توسيعات كبيره للمنتدى... ما النصيحة التي تنصح نفسك بها حالا ؟ كن أكثر صرامة مع نفسك والآخرين ,لا تتوقف عن مراجعة كل شيء بجرأه لكن احذر من الغرور و اعرف حدود عقلك أن كفي النهايه تجهل أكثر مما تعلم, و كوّن الصداقات مع النافعين عموما لا مع الأقوياء و الأذكياء فحسب.. ما النصيحة التي تنصح بهاspiderيجب أن تكتب نصيحة و لا تتهرب ؟ و اتهرب ليه؟!, يا سيد كل الشبكه العنكبوتيه, بطل تكتب ردود كلها موافقه و شكر و تأييد و تأكيد و بس و دي نصيحه أخويه للكل هنا برضه,, شكلك يا انسان يا ذوق بتخلي عدم الرضى أو الخلاف في الرأي مع اي حد لنفسك, صرح بكل آرائك وانفعالاتك, لما قريت ردودك في كرسي الاعتراف لقيت انك مش تقليدي و انسان ذكي مقترح للأفكار قول آرائك كلها ماتخليش رغبتك الجارفه في تثبيت كل الناس تمنعك عن مصارحتهم ونا أول واحد باقولك: رأيك المخالف او اضافتك او تعقيبك او تصحيحك لأي رد أو موضوع أنا اعمله هايحببني فيك أكتر ونا عند كلمتي.. ماذا تكتب لصاحب فكرة موضوع كرسي الإعتراف " محمد هشام " ؟ اهتم أكثر يا قلب المنتدى, عد لسابق عهدك معنا لا تترك الملل يسيطرعليك تجاه المنتدى, "هنا" يوجد من يحبون طريقتك ويقدرون جهدك "هنا" من يرون أنك من أعمدة هذا المنتدى الرئيسيه, و أمّا نصيحتي لك فنابعه من تحليلي لمواضيعك في المنتدى لأني لا أعرف شيئا عنك شخصيا الا اسمك و شكلك وانك مهندس في أول الطريق و أعرف انك صانع مذكرات حازت على ثقتي و احترامي أنا و غيري طول دراستي و لكن لم أرك الا قليلا أتمنى أن أكون موفقا في تصوري لشخصيتك و أقول لك:تقريبا انت انسان رومانسي, فلا تخجل من قلبك الحنون أبدا و لا تسمح له بقيادة حياتك و لو للحظه, فما هو الا مصدر للمشاكل في معظم الأحيان..أنت انسان مجدّ لا تهاب الدخول في الأعمال الضخمه المجهده و لذلك يعتمد عليك و بالتالي لك مستقبل واعد جدا كن على ثقه منذ الآن من استحقاقك له و لا أخشى عليك من الغرور و ركز في شغلك قوي. قوي. قوي..... بس ماتنساش المنتدى..
شكرا يا عمرو و يا رب أكون خنقتك بالجزء الأول من أسئلتي ! و إنتظر الجزء الثاني من الأسئلة !
العفو يا جميل و يا رب أكون صدّعتك بالجزء الأول من اجاباتي و ياريت ماتكونش اتدايقت منّي أنا لا أصارح بقوه الا من أحترمه بقوه....
| | | | | | | | | | | | |
يتصفح الموضوع حالياً : 1 (0 عضو و 1 ضيف)
| | | | أدوات الموضوع | | | | انواع عرض الموضوع |  العرض العادي | |
ضوابط المشاركة
| لا تستطيع إضافة مواضيع جديدة لا تستطيع الرد على المواضيع لا يمكنك اضافة مرفقات لا يمكنك تعديل مشاركاتك
كود HTML معطلة
| | |  | يحتوي على مشاركات جديدة |  | لا يحتوي على مشاركات جديدة | | جميع الأوقات بتوقيت GMT +7. الساعة الآن 12:01 PM. | |
آخر 10 مشاركات
لان مقدرتى على القراءة قلت اليومين دول مش عارف ليه 
رد: عمر امين على كرسى الاعتراف 
